Skilmálar

Þessi vefsíða er í eigu Smidigt ehf., kt. 550526-0420, Skerplugötu 6, hér eftir nefnt Smiðja. Með kaupum á gjafabréfi á smidja.gift samþykkir kaupandi eftirfarandi skilmála.

Smiðja selur gjafabréf fyrir íslenskt handverk. Gjafabréfin má nýta sem greiðslu hjá þeim samstarfsaðilum Smiðju sem eru skráðir á vefsíðu Smiðju þegar gjafabréfið er notað.

Pöntun og greiðsla

Pöntun er staðfest þegar greiðsla hefur borist. Staðfesting og gjafabréf eru send á það netfang sem kaupandi tilgreinir í kaupferlinu.

Afhending

Gjafabréf eru almennt afhent rafrænt með tölvupósti. Gjafabréfið er sent sem PDF-skjal með gjafakóða sem handhafi notar við innlausn.

Ef valið prentað gjafabréf er það sent með póstþjónustu gegn viðbótargjaldi.

Ef kaupandi velur að bæta við persónulegri kveðju ber kaupandi ábyrgð á efni hennar.

Notkun gjafabréfa

Gjafabréf Smiðju eru gefin út til handhafa. Sá sem framvísar gildum gjafakóða getur notað gjafabréfið sem greiðslu hjá samstarfsaðila Smiðju.

Gjafabréf má nota hjá hvaða samstarfsaðila Smiðju sem er, svo lengi sem viðkomandi er skráður samstarfsaðili á vefsíðu Smiðju þegar gjafabréfið er notað.

Listi yfir samstarfsaðila getur breyst. Smiðja ábyrgist því ekki að allir samstarfsaðilar sem voru skráðir þegar gjafabréf var keypt verði enn samstarfsaðilar þegar gjafabréfið er notað.

Gjafabréf má nýta í einu lagi eða í áföngum þar til inneign er fullnýtt eða gildistími rennur út. Eftirstöðvar gjafabréfs haldast virkar þar til gjafabréfið er fullnýtt eða gildistími þess rennur út.

Gjafabréf er ekki hægt að nota eftir að gildistími þess er liðinn.

Gildistími

Gjafabréf Smiðju gilda í fjögur 2 ár frá útgáfudegi.

Að gildistíma liðnum fellur gjafabréfið úr gildi. Ónýtt inneign sem stendur eftir við lok gildistíma er ekki endurgreidd.

Handhafar gjafabréfa eru hvattir til að nýta þau innan gildistíma.

Skipti, skil og endurgreiðslur

Kaupandi getur fallið frá kaupum á gjafabréfi innan 14 daga frá afhendingu þess, enda hafi gjafabréfið ekki verið notað að hluta eða í heild.

Ósk um að falla frá kaupum skal senda á smidja@smidja.gift. Endurgreiðsla fer fram með sama greiðslumáta og notaður var við kaupin, að eigi síðar en 14 dögum eftir að beiðni berst.

Ef gjafabréf hefur verið notað að hluta eða í heild er ekki hægt að falla frá kaupum eða fá gjafabréfið endurgreitt.

Gjafabréf Smiðju eru ekki innleysanleg í reiðufé og eru ekki endurgreidd, nema þegar kaupandi nýtir lögbundinn rétt til að falla frá kaupum samkvæmt framangreindu.

Framsal og varðveisla gjafakóða

Það er á ábyrgð handhafa að varðveita gjafakóðann með öruggum hætti. Smiðja ber ekki ábyrgð á tjóni sem kann að verða vegna þess að gjafabréf eða gjafakóði glatast, er stolið eða er notað án heimildar eftir afhendingu til kaupanda.

Endursala gjafabréfa Smiðju í atvinnuskyni er óheimil nema með skriflegu samþykki Smiðju.

Ábyrgð á vörum og þjónustu samstarfsaðila

Smiðja gefur út og selur gjafabréfin og ber ábyrgð á gjafabréfinu sjálfu, þar á meðal afhendingu, inneign, gjafakóða og gildistíma.

Vörur, þjónusta, námskeið eða upplifanir sem greitt er fyrir með gjafabréfi eru veittar af viðkomandi samstarfsaðila. Samstarfsaðili ber ábyrgð á gæðum, afhendingu, framkvæmd, öryggi og eigin skilmálum gagnvart viðskiptavini.

Ef vara eða þjónusta samstarfsaðila stenst ekki væntingar, fellur niður eða veldur tjóni, fer málið eftir skilmálum og ábyrgð viðkomandi samstarfsaðila. Smiðja ber ekki ábyrgð á vörum eða þjónustu samstarfsaðila umfram ábyrgð sína á gjafabréfinu sjálfu.

Ef samstarfsaðili hættir

Ef samstarfsaðili hættir í samstarfi við Smiðju er gjafabréfið áfram gilt hjá öðrum skráðum samstarfsaðilum Smiðju þar til það er fullnýtt eða gildistími þess rennur út.

Smiðja ábyrgist ekki að tiltekinn samstarfsaðili verði í boði allan gildistíma gjafabréfsins.

Persónuupplýsingar

Smiðja vinnur persónuupplýsingar í tengslum við kaup, afhendingu og notkun gjafabréfa. Meðferð persónuupplýsinga fer samkvæmt persónuverndarstefnu Smiðju og lögum um persónuvernd og vinnslu persónuupplýsinga.

Breytingar á skilmálum

Smiðja áskilur sér rétt til að breyta skilmálum þessum. Sú útgáfa sem birt er á vefsíðu Smiðju hverju sinni gildir um kaup sem fara fram eftir birtingu hennar.

Breytingar hafa ekki afturvirk áhrif á gjafabréf sem þegar hafa verið keypt, nema breytingarnar séu kaupanda eða handhafa til hagsbóta.

Kvartanir og fyrirspurnir

Fyrirspurnir eða kvartanir vegna gjafabréfa Smiðju má senda á smidja@smidja.gift.

Ef ágreiningur leysist ekki með samkomulagi getur neytandi leitað til kærunefndar vöru- og þjónustukaupa, eftir því sem við á.

Lög og varnarþing

Um kaup á gjafabréfum Smiðju og skilmála þessa gilda íslensk lög.

Síðast uppfært: 28.júní 2026